#作狀星期日
#淺田次郎 嘅《#一路》，講嘅係江戶時期嘅日本，一個叫做供頭嘅職務嘅故事。
書入邊有好多日本歷史資料需要理解，而對於日本歷史，其實我只係喺《#銀魂》度吸收返嚟。
所以當時買呢本書，我只係因為好鍾意畫封面嘅插畫家山口晃，同埋覺得《一路》呢個書名好有霸氣；買晒上下集其實預咗自己唔會睇。點知睇睇下，捱過咗開頭啲日本歷史資料，原來個故事本身幾吸引，熱血得來又有啲搞笑：主角一路因為爸爸突然死咗所以要接手佢完全唔知係乜黎嘅供頭工作，而工作嘅內容係要帶領當時嘅大臣同埋佢嘅團隊去遠征；冒着切腹嘅危險，一路靠一本古籍，一班好同伴去闖天下，其實幾有王道漫畫feel。